Skilmálar Ásbjörns Ólafssonar ehf.

1. Almenn ákvæði

Skilmálar þessir gilda um kaup á vöru á vefnum www.asbjorn.is, í eigu Ásbjörns Ólafssonar ehf., kt.430169-2709, Köllunarklettsvegi 6, 104 Reykjavík – í skilmálum þessum nefnt Ásbjörn. Skilmálarnir skilgreina réttindi og skyldur Ásbjörns annars vegar og kaupanda vöru hins vegar.

Verð á vefsíðunni eru ekki með virðisaukaskatti samkvæmt fyrirliggjandi gögnum og upplýsingum frá söluaðila og eru birt með fyrirvara um innsláttarvillur, prentvillur og myndvillur.

Þegar karfa er skoðuð eða þegar gengið er frá körfu sést upphæð virðisaukaskattsins.

Sjá dæmi á mynd:

 

2.Vöruskil & endurgreiðslur

Eftir greiðslu fæst vara ekki endurgreidd nema að viðurkenndur galli komi upp eða röng vara hafi verið afgreidd.

3. Gallar & ábyrgðarskilmálar

Ef vara er gölluð eða eitthvað vantar í vöruna fær viðskiptavinur nýja vöru, afslátt eða afturköllun kaupa. Tilkynning á galla verður að berast munnlega eða skriflega. Seljandi áskilur sér rétt til að sannreyna að varan sé gölluð, þó innan eðlilegra tímamarka.

Ábyrgð seljanda er í samræmi við það sem kveðið er á um í lögum um neytendakaup. Ábyrgð á galla á sérvöru er 2 ár frá því að kaupandi fékk vöru afhenta. Ef hinsvegar er að ræða sölu á sérvöru til fyrirtækis er ábyrgð á galla 1 ár. Ábyrgð er ekki staðfest nema pöntunarstaðfestingu og kvittun fyrir kaupum sé framvísað. Ábyrgð nær ekki til eðlilegs slits eða notkunar á vöru. Ábyrgð fellur jafnframt niður ef rekja má bilun til rangrar meðferðar á vöru.

Ábyrgð á matvöru gildir svo framalega sem að varan er ekki útrunnin.

4. Lög og varnarþing

Íslensk lög skulu gilda um viðskiptaskilmála þessa, samninga og eftir atvikum tilboð sem Ásbjörn gerir við viðskiptavini sína. Ágreining um framkvæmd samnings skulu Ásbjörn og viðskiptavinur leitast við að leysa með samkomulagi. Ef ekki næst samkomulag skulu ágreiningsmál rekin fyrir Héraðsdómi Reykjavíkur. Heimilt er að vísa ágreiningi til gerðardóms ef báðir aðilar eru því samþykkir og skulu lög nr. 53/1989 um samningsbundna gerðardóma gilda um málsmeðferð fyrir gerðardómi.

5. Afhendigarskilmálar

a) Afhendingarmátar & flutningsaðilar

Alltaf er í boði að sækja pantanir í vöruhús Ásbjörns sé þess óskað.
Viðskiptavinir á Suðurnesjum og Suðurlandi að Hvolsvelli geta valið hvort þeir fái vörurnar afhentar með bíl frá Ásbirni eða með Flytjanda.
Viðskiptavinir í öðrum landshlutum geta valið um að fá vörur afhendar með bíl frá Flytjanda.

b) Afhendingartími

 Pöntun ef afgreidd á 24 klst að jafnaði og fer þá í útkeyrslu / til dreifingaraðila.

Sjá nánar um vörudreifingu Flytjanda

c) Sendingarkostnaður

Ásbjörn Ólafsson ehf. dreifir vörum til viðskiptavina um land allt þeim að kostnaðarlausu, þó með því skilyrði að upphæð pöntunar nái 20.000 kr. án vsk (höfuðborgarsvæðið) eða 40.000 kr. án vsk (landsbyggðin).

Nái pöntunin ekki þessu lámarki fellur til akstursgjald að upphæð 2.500 kr. án vsk (höfuðborgarsvæðið) eða gjald samkvæmt gjaldskrá Flytjanda (landsbyggðin).

6. Persónuupplý­singar

Ásbjörn meðhöndlar persónuupplýsingar í samræmi við lög nr. 77/2000 um persónuvernd og meðferð persónuupplýsinga. Persónuupplýsingar sem berast Ásbirni eru skráðar rafrænt í gagnagrunn Ásbjörns og aðeins umsjónaraðili kerfisins hefur aðgang að þeim. Persónuupplýsingar eru ekki veittar þriðja aðila.

Við kaup á vöru eða þjónustu veitir kaupandi Ásbirni samþykki sitt til að safna og vinna úr persónuupplýsingum úr gagnagrunni fyrirtækisins. Úrvinnsla gagna fer fram svo lengi sem kaupandi lýsir ekki andstöðu sinni við meðferð upplýsinganna. Ef kaupandi óskar eftir að koma athugasemdum um meðhöndlun persónuupplýsinga á framfæri eða óskar eftir að persónuupplýsingum sínum verði eytt úr grunninum, skal athugasemdum komið til Ásbjörns í tölvupósti á asbjorn@asbjorn.is eða bréflega á heimilisfang Ásbjörns, Köllunarklettsvegi 6, 104 Reykjavík. Upplýsingum um kaupanda verður þá eytt úr gagnagrunninum og kaupandi upplýstur um það sérstaklega.

Ásbjörn áskilur sér rétt til að nota persónuupplýsingar til að senda viðskiptavinum markpósta með tölvupósti og/eða sms-skeytum, er það gert í þeim tilgangi að veita viðskiptavinum sem besta þjónustu.

7. Frágangur viðskipta

Með greiðslu staðfestir kaupandi að hann þekki gildandi skilmála Ásbjörns.

Hver kaup eru bindandi fyrir kaupendur samkvæmt skilmálum og skilyrðum Ásbjörns.