Fara í efni

Innskráning

 

Together - Sumarlína Moomin árið 2021

Together
Together

Sumarlína ársins 2021 hjá Moomin ber heitið Together og er myndefnið framhald af sumarleyfaþemanu sem hófst árið 2018. Teikningarnar byggja á myndasögunni ,,Moomin on the Riviera" eftir Tove Jansson. Vörulínan sem inniheldur krús, disk og tvær skeiðar fer í sölu á Íslandi þriðjudaginn 25. maí.

Múmínfjölskyldan fer í frí á frönsku rivíerunni. Þar sem Snorkstelpan vinnur pening í spilavíti getur fjölskyldan látið fara vel um sig á lúxushóteli. Þegar peningurinn klárast er fjölskyldan rekin af hótelinu og neyðist til að tileinka sér bóhemískan lífsstíl og finna sér næturstað undir bátnum sínum.

Múmínpabbi kynnisti auðugum aðalsmanni sem dreymir um líf sem fátækur listamaður. Þau bjóða honum að gista með þeim undir bátnum en hann fær þó fljótt leið á fyrirkomulaginu. Múmínálfarnir geta ekki búið að eilífu undir bát svo þau ákveða að sigla aftur heim í Múmíndal.