Fara í efni

Innskráning

 

Breytingar hjá Ásbirni

Eins og við höfum upplýst út á markaðinn fyrr í sumar þá hafa tekist samningar milli okkar hjá Ásbirni Ólafssyni ehf og Danól ehf. um að Danól taki yfir frá 1. september næstkomandi annars vegar söludeild okkar í neytendavörum, þ.e. matvörur, sælgæti sem og bílhreinsivörum og svo hins vegar í stóreldhúsadeild matvara.

Síðasti dagur pantana hjá Ásbirni í þessum vörum er til loka fimmtudagsins 26. ágúst.

Í þessu felst að frá 1. september mun sala á öllum okkar vörum sem heyra undir þessar söludeildir færast yfir til Danól og verða þar aðgengilegar bæði hjá sölufulltrúum og eins í vefverslun Danól.

Vefverslun Danól 

Er það einlæg von okkar hjá Ásbirni að þeir viðskiptavinir okkar sem hafa verslað þessar vörur hjá okkur til þessa færi viðskipti sín á þeim yfir til Danól. Lykilstarfsmenn Ásbjörns hafa verið ráðnir til Danól, og því munum við gera allt sem í okkar valdi stendur til að uppfylla þarfir og væntingar viðskiptavina okkar um gott vöruval og góða þjónustu hér eftir sem hingað til.

Við hjá Ásbirni Ólafssyni höfum í gegnum tíðina fengist við ýmis verkefni, en það sem er framundan hjá okkur er að einblína á sérvöru, þ.e. búsáhöld, gjafavöru, áhöld fyrir stóreldhús, kokkafatnað og fleira og er það stefna okkar að þjónusta þá markaði enn betur í framtíðinni.

Við hjá Ásbirni Ólafssyni ehf. þökkum ykkur kærlega fyrir ánægjuleg samskipti og viðskipti með matvörur, sælgæti og bílhreinsivörur, og vonumst til að samstarfið okkar haldi áfram með áherslu á það vöruval sem við bjóðum uppá.

Ef einhverjar spurningar vakna, hafið endilega samband við annaðhvort okkur hjá Ásbirni eða Danól.

Kær kveðja,

F.h. starfsfólks og eiganda Ásbjörns Ólafssonar ehf.

Guðmundur Björnsson