Ásbjörn Ólafsson ehf. - Heildverslun

Ásbjörn Ólafsson ehf. kynnir með stolti nýtt vörumerki í flokki drykkjarvara en það er hið heimsfræga vörumerki S.Pellegrino. S.Pellegrino og hin einkennandi græna flaska hefur lengi verið samnefnari fyrir hið ljúfa ítalska líf. Þetta einstaka ítalska merki er vel þekkt um allan heim fyrir fágun og gott bragð, en vatnið fer sérlega vel með mat og víni í hæsta klassa. Fyrirtækið S.Pellegrino var stofnað árið 1899, og varð árið 1997 hluti af Nestlé fjölskyldunni. Vatnið sem notað er í S.Pellegrino hefur verið þekkt í yfir 620 ár eða síðan árið 1395 þegar gríðarlega stór vatnsuppspretta fannst í bænum San Pellegrino Terme. Til viðbótar við kolsýrða vatnið býður S.Pellegrino einnig upp á aðrar drykkjarvörur. Þar má helst nefna drykki með ávaxtabragði með hinn heimsþekkta appelsínudrykk Aranciata fremstan í flokki, tónik og engiferbjór. Von er á vörunum í lok mánaðarins og erum við hjá Ásbirni afar spennt að kynna Íslendingum fyrir öllu því sem S.Pellegrino hefur upp á að bjóða.