Fyrirtækið Ásbjörn Ólafsson ehf. var stofnað þann 25. september árið 1937 af stórkaupmanninum Ásbirni Ólafssyni.
Starfsemin hefur verið breytileg í gegnum árin en í dag er áherslan lögð á innflutning, dreifingu og markaðssetningu á: Matvörum, sælgæti, gjafavörum, búsáhöldum, bílavörum og fleiru. Fyrirtækið er með umboð fyrir mörg af þekktustu vörumerkjum í heimi og er eitt af stærstu innflytjendum landsins, á sínu sviði.
Síðan fyrirtækið var stofnað hefur það verið í eigu sömu fjölskyldunnar og er í dag í eigu dóttur stofnandans, Ólafíu Ásbjarnardóttur, og barna hennar. Um 40 manns starfa hjá fyrirtækinu.
Ásbjörn Ólafsson ehf. var staðsett í Skútuvogi 11a í 14 ár en flutti að Köllunarklettsvegi 6, 104 Reykjavík, í mars 2006.
